Ганбат Батзаяа

Нарс Мөнхзул

Баярсайхан Баярчимэг

Цооз Хишигжаргал

Адилбиш Удвал

Мөнхбат Ариунжаргал

Алтангэрэл Доржсүрэн

Өмгөөллийн Заяа энд Золоо хуулийн фирм нь 2013 оны 4 дүгээр сарын 15-ны өдрөөс эхлэн дагаж мөрдөх болсон Хуульчийн эрх зүйн байдлын тухай хуулийн дагуу 2013 онд өөрчлөн зохион байгуулагдаж Өмгөөллийн “Заяа энд Золоо” ХХН нэртэйгээр үйл ажиллагаагаа явуулж байна.

Заяа энд Золоо хуулийн фирм нь үйлчлүүлэгчийнхээ хууль ёсны эрх, ашиг сонирхлыг хууль, ёс зүйн хүрээнд хамгаалах, байнгын тогтвортой харилцааг эрхэмлэх, харилцагчдынхаа мэдээллийг нууцлалын өндөр түвшинд хадгалах явдлыг байгууллагынхаа үндсэн зарчим болгон ажиллаж байна.

Бид мэргэжлээрээ 15-аас доошгүй жил ажилласан гэрээний эрх зүй, банк, санхүү, татвар, бизнесийн эрх зүй, олон улсын эрх зүй, иргэний эрх зүй, захиргааны эрх зүйн болон эрүүгийн эрх зүйн чиглэлээр мэргэшсэн туршлагатай хуульч, өмгөөлөгчдийн нэгдэл юм.

Бид Үнэт цаасны зах зээлд оролцогчдод хууль зүйн зөвлөгөө өгөх, IPO гаргах чиглэлээр хууль зүйн магадлан шинжилгээ буюу хууль зүйн дүгнэлт гаргах тусгай зөвшөөрөлтэй хуулийн фирмийн нэг юм.

Бид Монголдоо анхдагч, тэргүүлэгч байхыг ямагт зорин ажилладаг бөгөөд анхны дуудлагын өмгөөллийн үйлчилгээ, тусгай дугаар, видео болон онлайн зөвлөгөө, аудио, текст болон сошиал зөвлөгөө, хууль зүйн цогц үйлчилгээний iLAW платформ зэрэг бүтээгдэхүүн үйлчилгээг санаачлан амжилттай хэрэгжүүлж байна.

Бид Эрүү, Иргэн, Захиргааны хэрэгт өмгөөлөгчөөр оролцохоос гадна Арбитр, Шүүхийн шийдвэр гүйцэтгэх ажиллагаанд үйлчлүүлэгчийнхээ эрх ашиг сонирхлыг хамгаалан оролцдог. Улсын Их хурлаар хэлэлцүүлэх хуулийн төслийг боловсруулах,санал өгөх, дүн шинжилгээ, тандалт судалгаа хийх, Үндэсний хэмжээний болон Орон нутгийн хэмжээний хууль эрх зүйн орчинг сайжруулах, гэмт хэрэг зөрчлөөс урьдчилан сэргийлэх соён гэгээрүүлэх чиглэлээр өөрийн болон олон улсын бусад байгууллагуудтай хамтран төсөл хөтөлбөрүүд хэрэгжүүлэх, судалгаа шинжилгээний ажлуудыг амжилттай хэрэгжүүлэгч байгууллага юм.

Бид Англи, Хятад, Орос, Солонгос, Япон хэлээр үйлчлүүлэгчтэйгээ шууд харилцаж гадаадын хөрөнгө оруулагч нарт тохирсон үйлчилгээний таатай нөхцөлийг санал болгодог.

Zaya & Zoloo law firm

Манай байгууллага нь олон улсад үйл ажиллагаагаа явуулдаг хууль, өмгөөллийн байгууллагуудтай туршлага солилцож, хамтран ажиллан олон улсын жишгийг өөрсдийн үйл ажиллагаанд уялдуулж, үйлчлүүлэгчдийн эрх ашгийг нэн тэргүүнд тавих, хэрэглэгч төвтэй өмгөөллийн үйлчилгээг үзүүлэхийг эрхэмлэж ажилладаг.

Өмгөөллийн Заяа энд Золоо хуулийн фирмийн хамт олон Герман улсын Берлин хотод байрлах Adesse Anwalte хууль зүйн фирмийн үүсгэн байгуулагч ноён Dr.Benno A.Packi-тай уулзалт хийж, тус хуулийн фирмийн үйл ажиллагаатай танилцаж харилцан туршлага солилцлоо. Уг уулзалтаар Монгол, Герман улсын иргэд, аж ахуйн нэгжүүдийн хууль зүйн туслалцаа авах нөхцөлийг судлах, тэдгээрт эрх зүйн туслалцаа үзүүлэх, Ази болон Европын зах зээлд оролцогч 2 улсын хөрөнгө оруулагч нарт чиглэсэн тусгайлсан үйлчилгээг үзүүлэх талаар хамтран ажиллахаар болов.

Өмгөөллийн Заяа энд Золоо хуулийн фирм нь Герман улсын Франкфурт хотноо зохион байгуулсан 31 дэх удаагийн “The International Arch of Europe Convention Award 2018” конвенцид амжилттай оролцож Монгол улсаас анхлан Алтан цомыг хүртлээ.

Олон улсын чанарын Алтан цом хүртэх эрхийг дэлхийн 172 гишүүн байгууллагуудаас хамгийн олон санал авсан байгууллагыг тодруулах уламжлалтай билээ. Тус арга хэмжээнд Дэлхийн 5 тивийн 42 улсын 62 байгууллага оролцсон бөгөөд дараах чанар, стандартын үзүүлэлтийг үндэслэн шалгаруулсан байна.


» Манлайлал болон менежмент
» Чанар болон бүтээмж

» Бизнесийн нэр хүнд болон брэнд
» Технологи, инноваци, өсөлт

Манай хуулийн фирм нь тус арга хэмжээнд Монгол улсаас анхлан оролцож чанар болон бүтээмжийн шийдлээр Австрали улсын Rendezvous Hotels & Resorts International, Чех улсын CEZ Group Египет улсын Egyptian Media Production City Co. Франц улсын Alcoa Howmet Gennevilliers Герман улсын СН2M HILL International Holdings, Энэтхэг улсын Indian Oil Corporation Ltd, Энэтхэг улсын TATA Elxsi Ltd, Итали улсын Ansaldo Energy Кувейт улсын Burgan Bank, Кувейт улсын National Petroleum Company ОХУ-ын Kaspersky Lab ZAO, ОХУ-ын State Corporation Rostec, ОХУын World Trade Center Moscow, Турк улсын AERIUM - CEFIC TURKEY Turkey ICF Airports, АНУ-ын Turner Construction International, Арабын нэгдсэн Эмират улсын Abu Dhabi Airports Company зэрэг үндэстэн дамнасан компаниудтай хамт нэр дэвшин өрсөлдөж чанар бүтээмжийн цомын эзэн болсон билээ.

Уг уулзалтаар Монгол, Герман улсын иргэд, аж ахуйн нэгжүүдийн хууль зүйн туслалцаа авах нөхцөлийг судлах, тэдгээрт эрх зүйн туслалцаа үзүүлэх, Ази болон Европын зах зээлд оролцогч 2 улсын хөрөнгө оруулагч нарт чиглэсэн тусгайлсан үйлчилгээг үзүүлэх талаар хамтран ажиллахаар болов.

Холбоо барих